Lestrarörðugleikar á borð við ýmsar útgáfur af lesblindu þvælast fyrir mörgu af okkar besta fólki - og sumt hrekst jafnvel frá námi vegna þeirra.
Við viljum leggja okkar að mörkum til þess að gera fólki lífið aðeins auðveldara, hjálpa því að hjálpa sér sjálfu eins og sagt er.
Þess vegna bjóðum við ókeypis aðgang að netsíðu og netkerfi sem gerir fólki kleift að fá hvaða texta sem er lesinn upphátt.
Hér er það sem þú færð - frítt:
- Þú getur merkt texta á hvaða vefsíðu sem er og smellt á tengilinn Lestu þetta. Við það er textinn fluttur á vefsíðu hjá okkur og lesinn upphátt.
- Þú getur slegið inn hvaða texta sem er og fengið hann lesinn upphátt. Upplagt við að sannreyna hvort verkefni sem skila þarf eru rétt skrifuð.
Til viðbótar vinnum við með skólum að því að auðvelda fólki að taka próf. Þá gefst námsmönnum tækifæri til að:
- Fá einstakar spurningar lesnar fyrir sig, til að tryggja réttan skilning.
- Fá svarið lesið yfir til að tryggja að hugsunin hafi komist óbrengluð til skila.
Sæki hljóðskrá...